Құқық қорғау органдары академиясына жаңа ректор тағайындалды
Құқық қорғау органдары академиясына жаңа ректор тағайындалды
Қазақстан Республикасы Президентінің жанындағы Құқық қорғау органдарының кадр саясаты мәселелері жөніндегі комиссиямен келісім бойынша Бас Прокурордың бұйрығымен Құқық қорғау органдары академиясының ректоры лауазымына 3-сыныпты мемлекеттік әділет кеңесшісі Сүлейменов Тимур Қайырбекұлы тағайындалды, деп хабарлайды академияның баспасөз қызметі.
Тимур Қайырбекұлы 1975 жылы 28 ақпанда Новосибирск қаласында дүниеге келген.
1997 жылы Әл-Фараби атындағы Қазақ мемлекеттік ұлттық университетін бітіргеннен кейін еңбек жолын Алматы қаласы Алмалы ауданының прокуратурасында бастаған.
2001-2006 жылдар аралығында Алматы қаласының прокуратурасында, Әуезов ауданы прокурорының орынбасары, Түрксіб ауданының прокуроры лауазымдарын атқарды.
2006 жылы Алматы қаласы прокурорының орынбасары, ал 2008 жылы бірінші орынбасары болыптағайындалды.
2013-2017 жылдары Астана қаласы прокурорының бірінші орынбасары қызметін атқарды.
2017 жылдан бастап Қостанай облысының прокуратурасын басқарды.
Заң ғылымдарының кандидаты ғылыми дәрежесі бар.