1170
Елімізде ұшақпен ұшу қаншалықты қауіпсіз? - Еурокомиссия баға берді
Елімізде ұшақпен ұшу қаншалықты қауіпсіз? - Еурокомиссия баға берді
Еурокомиссия еліміздегі ұшу қауіпсіздігі жағдайының жақсарғанын атап өтті. Бұл туралы Азаматтық авиация комитеті хабарлады.
Комитеттің бас директоры Питер Гриффитс және төрағасы Талғат Ластаевтың берген есебінен кейін Еуропалық комиссия қазақстандық авиакомпанияларды Еуропалық Одаққа ұшуға тыйым салынған авиатасымалдаушылар тізіміне ("қара тізім") енгізуге негіз жоқ деген шешім қабылдады.
"Еурокомиссияның Ұшу қауіпсіздігі жөніндегі комитеті Қазақстанның авиация билігінің ұшу қауіпсіздігі саласындағы кемшіліктерді жоюдағы қол жеткізген прогресін атап өтеді. Бұл кеңес сындарлы болды және ұсынылған ақпарат ААК пен ААК - тың ұшу қауіпсіздігін бақылауды үнемі жақсарту үшін халықаралық стандарттарды енгізуге және сақталуын қамтамасыз етуге бейімділігін көрсетті", - делінген Еурокомиссияның хатында.Сондай-ақ, авиация туралы жаңа заңның қабылдануын және ұлттық заңнамаға тиісті түзетулерді қоса алғандағы AAK-тың 2021-2025 жылдарға арналған Даму стратегиясы ұсынылды. Еурокомиссия Қазақстандағы ұшу қауіпсіздігі жағдайын одан әрі жақсарту мәселелерінде авиация биліктерімен ынтымақтасуға дайын екендігін білдірді.
