797
"Әлі ешкімді жеген жоқ". ШҚО-да тұтас бір елді мекенді аю дүрліктіріп отыр
"Әлі ешкімді жеген жоқ". ШҚО-да тұтас бір елді мекенді аю дүрліктіріп отыр
Шығыс Қазақстандағы Серебрянск елді мекенінің тұрғындары аюдан қорқып отыр. Аю үй жануарларына шабуыл жасап, жергілікті омартадағы балды жеп кетеді екен, деп хабарлайды "Еуразия" арнасы.
Мысалы елді мекен тұрғыны Владимир Шевляковтың үйіне жабайы аң 10 рет келген. Аң сол үйдің итін жеуге шақ қалған. Аю Владимир Шевляковтың кішкентай омартасына әуес екен.
Ол бүкіл балды жеп кеткен. Тәбеті жақсы, 1 миллион теңге тұратын балдан дәм татты, - дейді тұрғын.Сондай-ақ аң елді мекендегі тауықтар мен қояндарды жегенді ұнатады екен. Адамдар сыртқа шығуға қорқады. Ал аюдың елді мекенді төңіректеп жүргеніне екі ай болыпты.
“Қала әкімі келіп, күзетіп, жануарды көрді. Ол да аюдың салмағы 80-нен 100 кг-ға дейін жететініне көз жеткізді”, – деді Серебрянск әкімінің орынбасары Ксения Короткова.Облыстық Орман шаруашылығы және жануарлар дүниесі инспекциясы аюды заңмен ату мүмкін емес деп мәлімдеді, ал егер тұзақтар орнатылса, олар жануарға зиян келтіріп қана қоймай, оны одан әрі ашуландыруы мүмкін.
“Ол әлі ешкімді жеген жоқ. Бірақ бірдеңе болуын күтпей, алдын алу қажет”, – деді Владимир Шевляков.Қала тұрғындары аюды өздері ұстауға шешім қабылдап, оның көзін жойып, елді мекеннен алып кету үшін тұзақ дайындаған.
