Беларусь оппозиция мен тәуелсіз БАҚ-қа қарсы репрессияны күшейтті

Беларусь билігі тәуелсіз ұйымдар, журналистердің үйі мен кеңсесінде рейд өткізуді күрт жиілетті, деп хабарлайды euronews.com.

Беларусь журналистер қауымдастығының мәліметтері бойынша, жұма күні кем дегенде 21 репортердің пәтерінде тінту жүргізілген. Рейдтер Минскіде, сондай-ақ Брест, Гомель, Гродно және Пинск қалаларында да өтті, деп қосты олар.

"Билік журналистерге қарсы репрессияның барлық арсеналын қолданады: қорқыту, ұрып - соғу, тінту және тұтқындау", - деді қауымдастық басшысы Андрей Бастунец.

Зардап шеккендердің арасында Польшаның "Белсат" телеарнасы және АҚШ қаржыландыратын RadioFreeEurope/Radio Libra (RFE/RL) хабар тарату компаниясымен серіктес болған журналистер бар. Осы аптаның басында құқық қорғау органдарының қызметкерлері "Көктем" құқық қорғау орталығының он қызметкерінің үйінде, сондай-ақ басқа ҮЕҰ-мен байланысты кеңселерде тінту жүргізді. Президент Лукашенко елдегі тәртіпсіздіктерді өршітті деп айыпталған ҮЕҰ-мен "күресуге" уәде берді. Жалпы, Беларуссия журналистер қауымдастығының мәліметтері бойынша, қазіргі уақытта 32 беларусь журналисі қамауда отыр.

Серіктес жаңалықтары