Табысынан шығыны артық шенеуніктер тексеріледі

Елімізде негізсіз байыған шенеуніктер жауапкершілікке тартылуы мүмкін, деп хабарлайды zakon.kz.

Биыл Президенттің тапсырмасы бойынша біздің агенттік 2022-2026 жылдарға арналған сыбайлас жемқорлыққа қарсы саясатты дамыту тұжырымдамасын әзірлеуде. Бұл жұмысқа азаматтық қоғам өкілдері белсене қатысты. Онда революциялық жаңалықтардың бірі-негізсіз байыту үшін жауапкершілікті енгізу. Қазір заң жобасын Парламентке енгіздік. Шығыстың кірістен асып кетуі тексеруді, тіпті тергеуді бастау керек екенін білдіретін дабыл, - дейді сыбайлас жемқорлыққа қарсы қызметтің басшысы Марат Ахметжанов.

Ол 2018 жылы Қазақстан шоттар туралы ақпарат алмасу туралы келісімге қол қойғанын қосты. Бұл келісім шетелде активтерді анықтауға мүмкіндік береді. Сондай-ақ, сыбайлас жемқорлыққа қарсы іс-қимыл агенттігінде бизнесті сыбайлас жемқорлыққа қарсы стандарттарды енгізуге ынталандыру жоспарланып отыр.

Серіктес жаңалықтары