Түрме бастығы Алматыдағы «азаптауға арналған жертөлелер» туралы айтты

Әлеуметтік желілерде «Алматыдағы ЛА-155/18 тергеу изоляторы ғимаратындағы жертөледе ұсталғандарға қарсы заңсыз әрекеттер жасалады» деген жалған ақпарат тарап жатыр деп хабарлады turkystan.kz Polisia.kz-ке сілтеме жасап. Бұдан бөлек, Алматы қаласы бойынша ҚАЖД «ЛА-155/18 мекемесі» бастығының деректері көрсетілген.

«ҚАЖ мекемесі аумағында екі қабатты әкімшілік ғимарат және 4-5 қабатты 6 режимді корпус, сондай-ақ, 230 камера орналасқан. Бұл корпустарда коммуникациялық жүйелер мен жылыту тораптарына арналған жартылай жертөле бар. Оған корпустардың сыртқы жағынан кіреді. Мекемеге түскендерді корпустың бірінші қабатына әкеледі. УҰИ-ға келгендерді медициналық қызметкерлер, сондай-ақ, мекеменің кезекші ауысымы қабылдайды. Бәрі видеоға түсіп тұрады. Сонымен қатар, мекемеге прокуратура органдарының өкілдері, адам құқықтары жөніндегі уәкіл, қоғамдық бақылау ұйымының қатысушылары уақтылы барып тұрады. Қылмыстық-атқару жүйесінің қызметі адамның қадір-қасиетін, өмірі мен денсаулығын, сотталғандардың және өзге де адамдардың конституциялық құқығы мен бостандығын қорғауға бағытталған. Бұл үшін заңнамада сотталғандарды қоғамға қосу, жазаны өтеу және өзге де қылмыстық-құқықтық шараларды орындау кезінде адам құқықтарын қорғау, жеке адамның, қоғам мен мемлекеттің қауіпсіздігін қамтамасыз ету, жазаны өтеген кезде қылмыс жасаудың алдын алу үшін жағдай жасалады», - делінген хабарламада.

Айта кетейік, жалған ақпарат таратуға қатысты ҚР Қылмыстық кодексінің 274-бабы бойынша қылмыстық жауапкершілік көзделген.

Серіктес жаңалықтары