Денис Теннің анасы вице-президент лауазымынан босатылды

Ұлттық конькишілер федерациясының вице-президенті Оксана Тен қызметінен кетті деп жазды turkystan.kz. Құрылтайшылар жалпы дауыс беру арқылы федерацияның жарғысына өзгеріс енгізіп, екі вице-президенттің қызметін алып тастауға бірауыздан дауыс берген.

«Атқару комитетінің құрамына ұлттық құрама бас бапкерлерінің орнына барлық жастағы командалармен жұмыс істеу, коньки тебу пәндерін насихаттау және бұқаралық спортты дамыту міндеті жүктелген спорт мамандарын енгізу туралы шешім қабылданды», - делінген ресми хабарламада.

Айта кетсек, бұған дейін жаттықтырушылар ашық хат жазып, федерацияның вице-президенті Оксана Теннің отставкаға кетуін талап еткен болатын.

Серіктес жаңалықтары