Мәжіліс бюросында жалпы отырыстың күн тәртібі нақтыланды

Мәжіліс бюросында жалпы отырыстың күн тәртібі нақтыланды

Мәжіліс бюросында жалпы отырыстың күн тәртібі нақтыланды
ашық дереккөзі
50171
Мәжіліс спикері Ерлан Қошановтың төрағалығымен Палата бюросы өтіп, онда алдағы жалпы отырыстың күн тәртібі нақтыланды. Депутаттар қарауына Әкімшілік құқықбұзушылық туралы кодекске байланысты мәселелер бойынша өзгерістер мен толықтырулар енгізу туралы заң жобасын бірінші оқылымда қарау ұсынылды. Аталмыш Заң жобасы байланыс қызметтерін көрсету қағидаларын бұзғаны үшін әкімшілік жауапкершілікті белгілеуді, сондай-ақ интернет сапасының белгіленген талаптарына сәйкес келмегені үшін айыппұлдар сомасын ұлғайту арқылы реттеушінің рөлін күшейтуді қарастырады. Сонымен қатар ұялы және тіркелген байланыс қызметтерін көрсету сапасын арттыру мақсатында айыппұлдар сомасын ұлғайту қажет және байланыс операторларын сапалы байланыс қызметтерін ұсынуға ынталандыруы тиіс. Отырыс барысында депутаттар екінші оқылымда бала құқықтарын қорғау мәселелері бойынша заң жобасын қарайтын болады. Сондай-ақ күн тәртібінің жобасында Біріккен Ұлттар Ұйымының медиация нәтижесінде қол жеткізілген халықаралық татуласу келісімдері туралы конвенциясын ратификациялау туралы заң жобасы бар.

Серіктес жаңалықтары