«Қазақстандықтардың несиесі кешіріледі»: желіде жаңалық тарады

Қазақстанда несиені жою мен зейнет жасын төмендетуге қатысты жаңа реформа туралы жалған хабарлама тарап жатыр деп хабарлады turkystan.kz stopfake.kz-ке сілтеме жасап.  WhatsApp мессенджерінде тараған хабарламада әр балаға 60 мың теңгеден жәрдемақы төленеді, әйелдер мен ерлердің зейнет жасы тиісінше 55 және 60 жасқа дейін төмендетіледі, халықтың тұтынушылық несиесі түгел жойылады, ал көпбалалы отбасыларға елдің кез келген қаласынан тегін баспана беріледі делінген. Бұл - жалған.

«Елімізде мұндай реформа жүргізілген жоқ. Аталған идеялардың авторы - қазақстандық журналист Ербол Мәндібек. Ол бұл туралы биыл 13 наурызда Facebook-тегі парақшасында жазып, мұның дайындалып жатқан реформа немесе Президент Қасым-Жомарт Тоқаевтың сөздері емес, өз ойы екенін айтқан. Алайда тарап жатқан хабарламада бұл нақтылаулар жоқ», - делінген Stopfake.kz хабарламасында.

Қасым-Жомарт Тоқаев бүгін, 16 наурызда Қазақстан халқына Жолдау жасады. Онда мұндай реформалар туралы айтылмады.

Серіктес жаңалықтары