Қазақстандық 6 ауыр атлеттен допинг анықталды

Қазақстандық 6 бірдей ауыр атлеттен допингке қарсы сынақ кезінде оң нәтиже анықталды деп хабарлады turkystan.kz Ауыр атлетика федерациясына сілтеме жасап.

«2022 жылғы 9 ақпан мен 2 наурыз аралығында Қазақстан ұлттық допингке қарсы күрес орталығы жарыстан тыс допинг-бақылау аясында ауыр атлетикадан ҚР Ұлттық құрама командасының спортшыларын тестілеуден өткізді», - делінген хабарламада.

Бақылау қорытындысы бойынша, келесі спортшыларда оң допинг-сынамалар анықталды:

1. Әуелханов Абылай
2. Сон Игорь
3. Потасова Юлия
4. Чалкарова Руфина
5. Дроздов Алексей
6. Макрушин Матвей.

Федерация таратқан мәліметке сәйкес, жоғарыда аталған барлық спортшы - Алматы облысының өкілдері.

«Допингке нөлдік төзімділік саясатын ұстана отырып, ҚР Ауыр атлетика федерациясы бұл оқиғаға ішкі тергеу жүргізуге ниетті», - деп хабарлады аталған ведомстводан.

Серіктес жаңалықтары