Бораған қарға байланысты үш облыста жолдар жабылды

Еліміздің бірқатар аймақтарында ауа-райының қолайсыздығына байланысты жолдар жабылды деп жазды turkystan.kz. Қостанай облысы бойынша бүгін сағат 11.30-да «Жезқазған – Петропавл» тасжолында Қарағанды облысының шекарасынан бастап, Арқалық қаласына дейінгі жол учаскесі (252-340 шақырым) жабылды. Қарағанды облысында сағат 11.15-тен бастап «Жезқазған – Петропавл» тасжолының 65-252 шақырымындағы учаскесі – Жезді ауылынан бастап Қостанай облысының шекарасына дейінгі жолда көліктің барлық түрлері үшін шектеу енгізілді. Бұған қоса, Батыс Қазақстан облысында сағат 11.10-нан бастап «Орал –Тасқала – Ресей Федерациясының шекарасы» тасжолының 76-104 шақырымындағы учаскесі («Тасқала – Ресей шекарасы») бойынша көлік қозғалысы жабылды. Жол апаттарының алдын алу мақсатында «ҚазАвтоЖол» компаниясы жолдағы жағдайды тәулік бойы бақылауда ұстайтынын мәлімдеді. Мамандар төтенше жағдай кезінде жедел «1403» нөміріне хабарласу қажеттігін ескертеді.

Серіктес жаңалықтары