50671
Солтүстік Қазақстан облысында көкөніс бизнесіне қауіп төнді
Солтүстік Қазақстан облысында көкөніс бизнесіне қауіп төнді
Солтүстік Қазақстан облысында көкөніс бизнесіне қауіп төнді. Бұдан кейін жерді жалға беру мерзімі ұзартылмауы мүмкін деп хабарлады turkystan.kz Хабар 24 арнасына сілтеме жасап.
СҚО Мағжан Жұмабаев ауданы Медвежка ауылының кәсіпкері Евгений Золотарев осындай қиындыққа тап болып отыр. Заң бойынша, бір адамға бір гектар жер беріледі, ал фермер тоғыз гектар жерге көккөніс өсіреді. Евгений бұрынғы совхоз бақшасын бес жыл бойы жандандырғанын айтады. Бұрынғы бағдарламашы интернетте көкөніс өсіру технологиясын зерттеп, Орынбордағы әріптестерінен тәжірибе алған. Мысалы, ол қатты солтүстік климаттағы тамырларды жылы ұстау үшін қабыршақты (пленка) қолданады. Фермер 5 гектар жерге қырыққабат еккен. Бұдан бөлек, картоп, бұрыш, баклажан және қарбыз бар. Бірақ ерте пісетін қызанақ пен қияр жоқ.
Биыл ол тағы екі гектар жерге қияр мен қызанақ отырғызуды жоспарлаған. Бірақ жылыжайды шаңды дауыл қиратып кеткен.
«Жерді жалға беру мерзімі аяқталып жатыр. Ұзартуға бардым, ұзартпады. Олар бір гектардан артық болмауы керегін айтты. Төрт гектар жерім кетті. Биыл тамыз айында екінші акті аяқталады. Түсінуімше, ол да ұзартылмайды, өйткені заңнама өзгерді», – деді Евгений Золотарев.Бір гектар ғана жер берілсе, жұмысшыларды жұмыстан шығаруға тура келеді. Көкөністерді бақшадан супермаркетке тікелей жеткізе алмайды. Көкөніс өсіруші шарттық міндеттемелерді орындамайды. Булаево қаласының әкімдігі кәсіпкерге көмектесуге уәде берген. Олар ауданды ірі көкөніс өсірушісіз қалдыра алмайтынын айтқан.
«Бұл – ауданда қырыққабат, картоп, қияр өсірумен айналысатын жалғыз кәсіпорын. Бұл мәселені оңынан шешуді жоспарлап отырмыз. Бірнеше нұсқа бар. Заңды тұлға құру, өндірістік қажеттіліктерді өтеу. Сондай-ақ, кәсіпорын отбасылық болғандықтан, бірнеше отбасы мүшесіне бір гектардан жер берілуі мүмкін», – деді әкім Азамат Краубаев.Кәсіпкер көкөністерді жыл бойы өсіреді. Жаңа жылыжайдағы алғашқы өнімді тамыз айында жинауды жоспарлап отыр.
