Шахмат олимпиадасы: әйелдер құрамасы Вьетнамды жеңді

Қазақстан әйелдер құрамасы Үндістанда өтіп жатқан Шахмат олимпиадасында Вьетнамды жеңді. Ойын 2,5:1,5 есебімен аяқталды деп хабарлады turkystan.kz. Командаға Жансая Әбдімәлік жеңіс әкелді. Ал Бибісара Асаубаева, Гүлісхан Нақбаева мен Назерке Нұрғали тең ойнады. "Спорт Шредингер" порталының хабарлауынша, ерлер құрамасы Испанияны жеңіп, қатарынан бесінші жеңіске қол жеткізді. Есеп - 2,5: 1,5. Команда қоржынына Әлішер Сүлейменов ұпай әкелді, ал Ринат Жұмабаев, Арыстанбек Оразаев пен Қазыбек Нөгербек тең ойын көрсетті. Қазыбек бұл жолы  алғаш рет тең түсті. Матч алдында испандықтар 15-орында болды, ал қазақстандықтар 11-орынды иеленген болатын.  

Серіктес жаңалықтары