Көпбалалы отбасы қарбыз егіп, мол табысқа кенелді (ВИДЕО)

Түркістан облысы тұрғыны, ерлі-зайыпты Есенғали мен Жанар күндіз-түні алқап басында. Еңбек еткен адамның несібесі артатынын олар жақсы біледі. Себебі, бұған дейін екеуі де жұмыссыз болды. Cондықтан бес баланы жеткізу оңай емес екенін түсінеді деп хабарлады turkystan.kz  Хабар телеарнасына сілтеме жасап. Өткен жылы «Бизнес бастау» бағдарламасына қатысып, 583 мың теңге көлеміндегі грантқа ие болған тұрғын үш жарым гектарға қауын-қарбыз еккен. Одан 150 тонна өнім алды. Тапқан табысын үнемдеп, егістік көлемін төрт гектарға ұлғайтты.Тек қауын-қарбыз емес, бақша дақылдары, мал азығын да еккен. Отбасылық кәсіп болғандықтан  балаларын да еңбекке баулиды.

«Сұраныс, Аллаға шүкір, жақсы. Бәйдібек ауданына, Шаянға өткіземіз. Алғабас елді мекенінде тұрамын. Өзімнің ауылымды қамтамасыз етемін. Басынан келіп алып кететіндер бар. Қазір қарбыздың бағасы көтеріліп, дұрыс болды. 70-80 теңгеден келісі», - дейді Шақпақ ауылының тұрғыны Есенғали Алтаев.

Серіктес жаңалықтары