Оралда кәсіпкерді өлтірген екі күдікті анықталды

БҚО Полиция департаменті Орал қаласының орталығында кәсіпкерді өлтірді деген күдіктілердің фотороботын жариялады деп хабарлады turkystan.kz. Оралда бірнеше мейрамхана мен дәмхананың иесін өлтірген екі күдікті бар. Қазір аса ауыр қылмыс жасағаны үшін 1991 жылғы Руслан Қожантаев пен 2001 жылғы Тұрлан Амангелді іздестіріліп жатыр. Полицейлер күдіктілердің қайда екенін білетін адамдар 102 немесе 8-711-2-98-45-30 телефонына хабарласуын сұрайды.

«Полиция күдіктілердің фотороботтарын жасады. Қазір іздеу жұмыстары жүріп жатыр», - деп жазылған хабарламада.

Бұған дейін Оралда 48 жастағы кәсіпкердің көз жұмғаны туралы жазған болатынбыз.

Серіктес жаңалықтары