50239
Қайрат Сатыбалдыұлына қатысты тергеу: 500 миллион АҚШ доллары мемлекетке қайтарылды
Қайрат Сатыбалдыұлына қатысты тергеу: 500 миллион АҚШ доллары мемлекетке қайтарылды
Сыбайлас жемқорлыққа қарсы қызмет Қайрат Сатыбалдыұлына және басқа да тұлғаларға қатысты «Қазақтелеком» АҚ мен «Көліктік сервис орталығы» АҚ қаражатын аса ірі көлемде ұрлау фактілері бойынша сотқа дейінгі тергеуді аяқтады деп хабарлады turkystan.kz.
Сыбайлас жемқорлыққа қарсы іс-қимыл агенттігі баспасөз қызметінің мәліметінше, іс бойынша күдіктілердің бесеуі өтіп жатыр, олардың біреуі қамауда, екеуі үйқамақта.
Тергеу барысында заңсыз сатып алынған активтер мен айыпталушылардың жалпы сомасы 240 миллиард теңгеден астам немесе 500 миллион АҚШ долларынан астам ақшалай қаражаты мемлекетке қайтарылды.
Сатыбалдыұлына қатысты салық пен кедендік төлемдерді төлеуден жалтару, қылмыстық кірістерді заңдастыру фактілері бойынша қылмыстық іс қосымша тергеліп жатыр.
Айыпталушылардың басқа да заңсыз активтерін іздеу белсенді түрде жалғасып жатыр.
Елде және шетелде қосымша жылжымайтын мүлік, автомобильдер және жалпы сомасы 400 миллиард теңгеден астам немесе 900 миллион АҚШ долларынан астам қаражат жақын арада мемлекетке қайтарылатын болады.
