4 жасар шахматшы халықаралық фестивальдің жеңімпазы атанды

Атыраулық 4 жасар шахматшы халықаралық фестивальдің жеңімпазы атанды деп хабарлады turkystan.kz atpress.kz-ке сілтеме жасап. Atyrau Chess Festival шахмат фестивалі Атырауда сегіз күнге созылды. Бүгін, 24 тамызда Абай орталығында жеңімпаздарды салтанатты марапаттау рәсімі өтті. Олардың арасында 4 жасар Әбдімәлік Қайрат бар. Кішкентай шахматшыға ақшалай сертификатты Атырау қаласы әкімі Мейірім Қалауи табыс етті. Баланың анасының айтуынша, Әбдімәлік алты айдан бері шахмат секциясына қатысып келеді. Қазірдің өзінде жетістіктері бар. Ол турнирлерге қатысады, құрдастарын ғана емес, сонымен қатар үлкен шахматшыларды да жеңіп келеді.

«Ол шахмат ойнағанды ұнатады. Аптасына екі рет секцияға барады. Кешке әкесімен бірге шахмат ойнайды. Мұндай ауқымды турнирге біз алғаш рет қатысып отырмыз. Менің ұлым ең кішкентай қатысушы болды, оның қарсыластары жасөспірімдер болды. Дегенмен, ол үш партияны жеңіп алды», - дейді Әбдімәліктің анасы Диана Ержанова.

Сонымен қатар бала робототехникаға, бассейнге, хип-хоп биге барып, ағылшын тілін үйреніп жүр.

«Ол балабақшаға бармайды. Оның орнына біз оны әртүрлі бөлімдерге жаздық. Ең бастысы,  оған бәрі ұнайды», - деді шахматшының анасы.

Кішкентай чемпион Әбдімәлік Қайратқа 200 мың теңге ақшалай сыйлық пен арнайы сертификат табыс етілді. Ол фестивальдің ең жас қатысушысы болды.  

Серіктес жаңалықтары