Арбасын өткізбей қойған: FlyArystan Нияз Сүндетәлиевтен кешірім сұрады

FlyArystan қызметкерлері мүгедектер арбасын өткізбегені үшін қазақстандық Нияз Сүндетәлиевтен кешірім сұрады деп хабарлады turkystan.kz. Нияз Сүндетәлиев бұл туралы әлеуметтік желіде жазып, жанашыр қазақстандықтарға қолдау көрсеткені үшін алғыс айтты.

«Әуекомпания өз кінәсін толық мойындады және кешірім сұрады. Алматыдағы мүгедектер арбасы жақын арада Қарағандыға ұшақпен жеткізіледі. Мен ваучерден, әуекомпания маған ұсынатын барлық нәрседен бас тарттым. Мен үшін мүгедектігі бар адамдардың қиналмай ұшқаны маңызды. Олардың әуежайда, ұшақ бортында әрдайым көмек көрсетілетініне және кез келген жағдайда бір тәуліктен кейін емес, сол жерде шешім табылатынына сенімді болғаны маңызды. Барлығы тиісті қорытынды шығарып, кез келген жағдайда адам болып қалады деп сенемін!» деп жазды ол.

 

Серіктес жаңалықтары