50224
«Тұран» футбол клубының бас бапкері қызметінен кетті
«Тұран» футбол клубының бас бапкері қызметінен кетті
Премьер-лигада өнер көрсететін «Тұран» футбол клубының бас бапкері Сергей Когай қызметінен кетті. Бұл туралы түркістандық клубтың баспасөз қызметінен мәлімдеді деп хабарлады turkystan.kz.
«Тараптардың өзара келісіміне сәйкес, қазақстандық маманмен келісімшарт мерзімінен бұрын үзілді. Тағы бір қазақстандық маман Александр Кучма бас бапкер міндетін уақытша атқарушы болып бекітілді. Ол команданы 4 қыркүйек күні Шымкентте «Ордабасымен» өтетін ойынға дайындайды», - делінген хабарламада.Айта кетейік, «Тұран» біріншілік кестесінде 16 ұпаймен 13-орында келеді, яғни қауіпті аймақта тұр.
