Бақытгүл Хаменова сотта қандай қателік жібергенін айтып, мәлімдеме жасады (ВИДЕО)

Облыс әкімінің бұрынғы орынбасары Бақытгүл Хаменова кезекті сот отырысында өзіне тағылған айыппен келіспейтінін айтты деп хабарлады turkystan.kz  АTPress.kz-ке сілтеме жасап. «Рысқалиев (сотталушы – Атырау облысы мәдениет басқармасының бұрынғы басшысы) мені бұл іске тек жауапкершілікті болдырмау немесе олардың әрекеттері үшін жазаны жеңілдету үшін тартып отыр. Қандай да бір лауазымға ие бола отырып, мен әрқашан сыбайлас жемқорлықтың кез келген түріне қарсы болдым», – деді ол. Айыпталушы Хаменова Рысқалиев жазбасындағы  4 500 000 теңге деген сөзін  түсінбегенін айтады. «Мен түсінбедім» деп жаздым. Ол: «Алтын Орданың ақшасы» деп жауап берді. Мен бұл жерде оны демеушіліктің ақшасы  деп түсіндім. Ол бұл адамның заңсыз сыйақысы немесе ақшасы деп айтқан жоқ. Егер ол сол сәтте пара деп айтқанында, мен оған бұл заңсыз әрекетті жасауға жол бермейтін едім. Бұл демеушілік ақша деп ойлап, мен Жәнібек Аманиязовқа 2 500 000 теңге беруді өтіндім, ол «Алтын Орда» іс-шарасын ұйымдастырғаны үшін Сарайшық ауылының әкіміне тапсыруы тиіс еді, ал қалған 2 000 000 теңгені Рысқалиевке асықпай қалдыруды айттым. Бұл жерде мен бұл ақшаны іс-шараны өткізу кезінде біз қарыз болған «Асыл өлк» қоғамдық бірлестігіне беру керектігін ашып айтпадым. Жіберген қателігім осы еді»,  – деді ол. Айта кетейік, Атырау облысы әкімінің орынбасары қызметін атқарған Бақытгүл Хаменова Абай ескерткішін орнатуға бөлінген қаражаттан пара алды деген күдікпен ұсталды. Ол 2021 жылдың желтоқсанынан бастап тергеу изоляторында. Хаменовамен бірге сотталушылар қатарында мәдениет басқармасының бұрынғы басшысы Ақылбек Рысқалиев және «Балқыту» ЖШС басшысы Өміртай Адамов бар. https://www.youtube.com/watch?v=70Y9UKCXbfk&ab_channel=NurbeibitAuhadenuly

Серіктес жаңалықтары