Си Цзиньпиннің әуе борты елорда әуежайына қонды

Қазақстанға мемлекеттік сапармен келген ҚХР Төрағасы Си Цзиньпиннің әуе борты елорда әуежайына қонды деп хабарлады turkystan.kz Ақорданың баспасөз қызметіне сілтеме жасап. Қазақстан Президенті Қасым-Жомарт Тоқаев елімізге мемлекеттік сапармен келген Қытай Халық Республикасының Төрағасы Си Цзиньпинді елорда әуежайында қарсы алды. Мәртебелі қонақтың құрметіне әуежайда құрмет қарауылы сап түзеп тұрды. Рәсім аяқталғаннан кейін кортеж Ақорда сарайына бағыт алды. Онда Қазақстан мен ҚХР көшбасшылары қазақ-қытай стратегиялық серіктестігін жан-жақты нығайту перспективаларын талқылайды. Келіссөз қорытындысы бойынша бірқатар екіжақты құжатқа қол қою жоспарланып отыр.    

Серіктес жаңалықтары