214
Ақ үй Гуантанамо түрмесіндегі тұтқындарды таратады
Ақ үй Гуантанамо түрмесіндегі тұтқындарды таратады
АҚШ президенті Барак Обама әкімшілігінің өкілдері Кубадағы Гуантанамо әскери түрмесіндегі төрт тұтқынды Сауд Арабиясына беруі мүмкін екендігін хабарлады.
Обаманың Ақ үйі АҚШ-тың жаңадан сайланған президенті Дональд Трамптың Гуантанамо түрмесін сақтап қалғысы келген әрекетін елеген жоқ. Хабарларға қарағанда, Трамп 20 қаңтарда билікке келгенше бұл түрмеден 19 тұтқын басқа елдерге жіберіледі. Гуантанамо түрмесінде бар болғаны бірнеше ондаған тұтқын қалады.
Бұл уақытта Трамп бұл түрмені ашық ұстауға, оған қылмыскерлерді толтыруға уәде берді. "Гуантанамодан ешкімді босатудың қажеті жоқ. Олар -өте қауіпті адамдар, ұрыс алаңына қайта оралуға мүмкіндік бермеу керек", - деп жазды Трамп өзінің Twitter’дeгі шағын блогында.
