50224
Мемлекет басшысы Астана қаласының әкімін қабылдады
Мемлекет басшысы Астана қаласының әкімін қабылдады
![Мемлекет басшысы Астана қаласының әкімін қабылдады](https://turkystan.kz/cache/imagine/1200/uploads/resized-images/2023/04/5f05a304-df84-4d66-b519-0e4a2a6bdc8d.jpeg)
Мемлекет басшысы Қасым-Жомарт Тоқаев Астана қаласының әкімі Жеңіс Қасымбекті қабылдады деп хабарлады turkystan.kz.
Президентке қала тіршілігін қамтамасыз ету жүйесінің нысандары (ССС-3, газ жылу станциялары, ЖЭО-3, т.б.) және мектеп, медициналық орталық, жеңілдетілген қолжетімді тұрғын үй секілді әлеуметтік нысандар құрылысының барысы, сондай-ақ апатты жағдайдағы ескі тұрғын үйлерді сүру, тұрғын үй алаптарын дамыту, үлестік құрылыс нысандарын аяқтау, қалаға газ тарту және абаттандыру жұмыстары жөнінде баяндалды.
Қасым-Жомарт Тоқаев Астананы одан әрі дамыту, сумен және жылумен қамтамасыз ету нысандарының құрылысын тез арада аяқтау, сондай-ақ елорда тұрғындарының өзекті мәселелерін шешу жөнінде бірқатар тапсырма берді.