Экс-премьер Асқар Маминнің қайда жүргені белгілі болды

Қазақстанның экс-премьер министрі Асқар Мамин Ташкенттегі марапаттау салтанаттарының бірінде жүр деп хабарлады turkystan.kz.

Massaget.kz сайтының мәліметінше, Ташкентте Parimatch-Pro Hokei Ligasy 2022/23 жылғы маусымының жабылу рәсімі өткен.

Іс-шараға Қазақстанның бұрынғы Премьер-министрі, хоккей федерациясының президенті Асқар Мамин, Өзбекстан хоккей федерациясының президенті Бахтиер Фазылов, ҚФХ бас директоры Глеб Қаратаев және ФХУ бірінші вице-президенті Баходыр Гафуров қатысқан.

Айта кетейік, бұған дейін Асқар Маминге қатысты қылмыстық іс қозғалды деген ақпарат тараған еді. Бірақ бұл ақпаратты Сыбайлас жемқорлыққа қарсы іс-қимыл агенттігі жоққа шығарды.