Жаңа заң шықты: 1 шілдеден бастап курьерлер мен такси жүргізушілері салық төлейді

1 шілдеден бастап қазақстандық курьерлер мен такси жүргізушілері салық төлейді. Мұндай пилоттық жобаны Қаржы министрлігі дайындады деп хабарлады turkystan.kz «Астана» телеарнасына сілтеме жасап. Жаңа заң жобасы 1 шілдеден бастап қолданысқа енгізіледі. Такси қызметін көрсетсеңіз, интернет-платформалар немесе мобильді қосымша арқылы ашық табыс тапсаңыз, қоғамдық келісімшарт жасауға міндеттелесіз. Тиісінше, әлеуметтік төлемдер қолжетімді болады. Министрлік жұмыссыздар қатарын осылай азайтуға белді бекем буды. Ведомство өкілі бұл жобаға барлығы қатыса бермейтінін, тек тілек білдірушілер қатысатынын нақтылады. Ол үшін олар жеке кәсіпкер ретінде тіркеліп, онлайн платформаға тиісті құжаттарды ұсынуы керек. Содан кейін операторлар ай сайын олардан жарты жылдық табыстың 1 пайызын алады. Еңбек және халықты әлеуметтік қорғау министрлігінің мәліметінше, елімізде 500 мыңнан аса курьер бар.  

Серіктес жаңалықтары