Әкімшілік айыппұлдардың сомасы азаюы мүмкін

Әділет министрлігі әкімшілік айыппұлдардың сомасын азайтуға арналған заң жобасын жасады. Бұл туралы бүгін ҚР Әділет министрлігінің кеңейтілген алқа мәжілісінде ведомство басшысы Марат Бекетаев мәлімдеді. «Министрлік мүдделі мемлекеттік органдардың қызметкерлерімен және «Атамекен» Ұлттық кәсіпкерлер палатасымен біріге отырып, «ҚР Әкімшілік құқық бұзушылық туралы кодексіне өзгертулер мен толықтырулар енгізу туралы» заңның жобасын жасады. Осы заңнамаға сәйкес, әкімшілік айыппұлдардың көлемін қысқарту, сондай-ақ, ескерту түрінде жасалған әкімшілік жазалардың баптарын көбейту ұсынылады», — деді Әділет министрі Марат Бекетаев алқа отырысы барысында. Әділет министрінің айтуынша, жазаны жеңілдететін жағдайлар болғанда салынатын әкімшілік айыппұлдың сомасын жалпы сомадан 30 пайызға дейін азайту ұсынылады.

Серіктес жаңалықтары