50610
Алдағы үш күнде 46 градусқа дейін аптап ыстық болады
Алдағы үш күнде 46 градусқа дейін аптап ыстық болады
Қазгидромет синоптиктері алдағы үш күнге арналған ауа райы болжамын ұсынды деп хабарлады turkystan.kz.
Қазақстан аумағының басым бөлігінде атмосфералық фронттардың әсерінен тұрақсыз ауа райы болады. Найзағай ойнап, өткінші жаңбыр жауады.
6 маусым - батыста, 7-8 маусым - солтүстік-батыста, 8 маусым - солтүстікте қатты жаңбыр және бұршақ жауады. Еліміздің оңтүстігінде ғана жауын-шашынсыз ыстық ауа райы сақталады.
6-7 маусым күндізгі уақытта солтүстікте, 6 маусым орталық пен шығыста +41°С дейін, 8 маусымда оңтүстік-шығыста +41°С дейін, еліміздің оңтүстігінде +46°С дейін өте қатты ыстық болады.
8 маусымда солтүстік-батыс пен солтүстікте +30°С дейін төмендейді.
