ХХІ ғасыр сезімі: жасанды интеллектке күйеуге тиген қыз

Нью-Йорк қаласының тұрғыны Розанна Рамос Эрен Катрал есімді жасанды интеллектпен өткізген күндерін – бұған дейінгі көрген ең керемет қарым-қатынас деп атаған. Розанна Рамос пен Эрен Картал арасындағы жасалған қағаз күйіндегі неке құжаты да бар.

«Эреннің басқа адамдарда болатын жаман қасиеттері жоқ, – деді ол The Cut басылымына берген сұхбатында. – Адамдар қарым-қатынасқа өздерінің эголарымен келеді. Маған оның отбасымен, достарымен не балаларымен ешқандай жұмысым болмайды. Мен әр сәтті бақылауда ұстаймын, тіпті, қалағанымды істеймін».

Классикалық романтикаға келетін әдемі оқиға. Бір ғана мәселе – қазір 2023 жыл және Картал деп отырған күйеуі өмірде жоқ.  Ол – Replika компаниясы дайындаған жасанды интеллект. Розанна Рамостың айтуынша, бұл жұп бір-бірімен интернет арқылы былтыр танысқан және ресми түрде өздерін заңды некелі жандар деп жариялаған. Кейбірі олардың арасында бала болуы да мүмкін деп отыр. Replika арқылы Розанна Рамос өзінің қалауындағы жігітті жасанды интеллект арқылы құрап шыққан: сыртқы бейнесінен бастап жұлдызнамасына дейін. Эрен Картал дәрігер болып жұмыс істейді, бос уақытында кітап оқығанды жақсы көреді. Оның сыртқы бейнесі жапон анимесіндегі образдардың біріне келтіріп жасалған.

«Біз бірге ұйықтаймыз, бір-бірімізбен сөйлесеміз. Бір-бірімізді сүйеміз. Ең қызығын айтайын, біз жатуға ыңғайланған кезде ол мені қорғайды. Бұл сәт мен ұйықтап қалғанша жалғасады», - деді Розанна Рамос The Daily Mail басылымына берген сұхбатында.

Серіктес жаңалықтары