Қартаюды тежейтін өнімдер

Қартаю – табиғаттың заңдылығы. Бірақ кейбір өнімдер бұл процессті баяулатуы мүмкін. Қартаюды тежеу үшін қандай тамағдар жеу керек? Жидектер Құлпынай және таңқурай сияқты жидектер антиоксиданттарға бай. Олар бос радикалдардың зақымдануынан қорғауға көмектеседі. Бұл антиоксиданттар жасқа байланысты аурулардың, соның ішінде жүрек ауруының қаупін азайтуға көмектеседі. Майлы балық Лосось және скумбрия сияқты майлы балықтар омега-3 май қышқылдарына өте бай. Омега-3 қабынуға қарсы қасиеттерге ие, сондай-ақ миға, жүрекке және терінің саулығына жақсы әсер етеді. Зерттеулерге сүйенсек, майлы балықты үнемі тұтыну Альцгеймер ауруының даму қаупін азайтады. Тұқымдар мен жаңғақтар Жаңғақтар мен тұқымдар пайдалы майлар, талшықтар, дәрумендер мен минералдар сияқты қоректік заттарға бай. Олардың құрамында антиоксиданттар мидың жұмысына әсер етіп, ұзақ өмір сүруге көмектеседі. Жапырақты жасыл көкөністер Шпинат, қырыққабат және балдыркөк пен көкөністер дәрумендерге, минералдарға және антиоксиданттарға бай. Оларда, әсіресе, лютеин мен зеаксантин көп. Бұл көзге пайдалы. Ашытылған тағамдар Йогурт пен айран пробиотиктерге бай. Олар сау ішек микробиомасына ықпал ететін пайдалы бактериялар болып табылады. Сау ішек микробиомасы ас қорытуды, иммундық функцияны жақсартумен байланысты және қабыну, семіздік және кейбір созылмалы аурулар сияқты жасқа байланысты аурулардың қаупін азайтуға көмектеседі. Жасыл шай Катехиндер деп аталатын антиоксиданттарға бай танымал сусын. Бұл антиоксиданттар қабынуды азайту, мидың жұмысын жақсарту және созылмалы аурулардың қаупін азайтады. Жасыл шай, сонымен қатар, теріні ультракүлгін сәулелерден қорғауға және терінің денсаулығын жақсартуға көмектеседі. Бұл тағамдарды тұрақты жаттығулар, дұрыс ұйқы режимі және стрессті басқару сияқты салауатты өмір салтының басқа әдеттерімен бірге толықтырған жағдайда қартаю процесін сәл тежейді.

Серіктес жаңалықтары