Екі қазақстандық боксшы 3 жылға спорттан шеттетілді

Әуесқой бокстан Саматәлі Төлтаев пен Абзал Серік допинг қолдануына байланысты алдағы 3 жылға спорттан шеттетілді деп хабарлады turkystan.kz kaznadc.kz сайтына сілтеме жасап.

Абзал Серік - 20 жастағы талантты спортшы 2022 жылы «Elorda Cup» турнирінде 67 келі салмаққа ауысып, финалда әлем чемпионатының күміс жүлдегері Дулат Бекбауовты 4:1 есебімен жеңді. Биыл 22 жасқа дейінгі Азия чемпионатында күміс жүлдеге ие болды. Жастар арасында Азия чемпионы.

Саматәлі Төлтаев - 60 келі салмақта Азия чемпионатының қола жүлдегері (2022), жастар арасындағы әлем чемпионатының күміс жүлдегері, жастар арасында Азия чемпионы.