Жұлдыз СҮЛЕЙМЕНОВА: Халық құрылыстардың сапалы және уақтылы пайдалануға берілуін күтеді

Мен Ақтөбе облысы, Абай облысы жә­не Ұлытау облысына бардым. Ақтөбе об­лысында Мұғалжар ауданы, Алға ауданы, со­нымен қатар Ақтөбе қаласының әлеу­меттік және стратегиялық нысандарын ара­­­ладым. Ал Ұлытау облысында ең шалғай са­налатын Теректі ауылында болдым. Қара­жал­ға қарасты Жәйрем ауылында болдым. Бұл ауылдарға баруымның себебі – осы ауыл­дарда көптен бері құрылысы аяқталмай келе жатқан нысандар көп. Оның ішінде мек­тептер бар, мысалы, Ақтөбе облысында Ши­лісай деген ауылда болдым. Қаладан алыс емес. Қазірдің өзінде қалаға кіреді. Бір­ақ территориясында екі мың он сегізінші жылы басталған құрылысы әлі бітпей тұр. Халық қандай мәселелер көтерді? Халық құры­лыстардың сапалы және уақтылы пай­далануға берілуін күтеді. Өйткені бұл құры­лыс орындары берілгеннен кейін жаңадан жұ­мыс орындары пайда болады, балабақ­ша­лар, мектептер, әлеуметтік объектілер жұ­мыс істейтін болады. Одан бөлек, Мұғалжар ауданы Ембі қа­ла­сында болдық. Сол жерде үш жүзге жуық аза­мат келді. Олар көп мәселе көтерді. Көп­шілігі жердің, жер қойнауын пайда­лану­шы­лардың сол елді мекендердегі, халықтың ал­дындағы әлеуметтік жауапкершілігін кү­шейтуге байланысты мәселелер көтерді. Олар­дың салығының шын мәнінде әлеу­мет­тік объектілерге жұмсалуы мен жолдануын қа­дағалайтын тетіктерді сұрады. Бұл енді қо­ғамдық бақылау заңының аясында бола­шақта жүзеге асырылатын тетіктер екенін түсін­дірдік. Одан бөлек, жастарға қатысты тәрбие, мәдени-идеологиялық мәселелер де көп айтылды. Содан соң Алға қаласындағы «Алға жылу», Ақтөбе қаласындағы «Ақбұлақ» деп ата­латын жылу және су ұйымдарына бар­дық. Шынын айтқанда, «Алға жылу» – үлкен стра­тегиялық объект. Дегенмен сол қаланы ауызсумен қамтамасыз етіп отырған ма­ман­дардың айлығы – 76 мың теңге. Басында біз­ге сол жердегі қызметкерлер мұны негізі Үкі­мет шешуі керек деген еді, бірақ біз Үкі­метке бірден хабарласқанда, Үкімет бас­шы­лары дәл сол «Алға жылу» компаниясының бас­қ­ару моделіне байланысты олар әкімдік­тен қаржыландырылатыны туралы, айлық жа­лақыны көтеру әкімдікке тікелей бай­ла­нысты екенін айтты. Жалпы, бұл тек қана «Алға жылуға» қатысты мәселе деп ойла­май­мын. Бұл жалпы Қазақстанға ортақ мәселе. Сол жерде тұрған әкімдіктің қызметкерлері, сол жердегі басшылық ештеңе айтпай, ха­лықты алдап келгенін көзіміз көрді. Бұл – стратегиялық мәселе, алда оны шешуге ат­салысатынымызды айтқым келеді. Ал Абай облысында республикалық маңы­зы бар 4 музей бар. Сонымен қатар кі­тап­хана бар. Кезінде Абай Құнанбайұлы­ның өзі кітаптарын өткізген, сирек кітап­тардың қоры бар кітапхана. Өздеріңізге мәлім, «AMANAT» партиясының сайлауалды бағ­дарламасының аясында кітапхана­шы­лардың айлық жалақысын екі есеге көтеру мә­селесін қойдық. Одан бөлек, кітапхана­шылар мәселесін түбегейлі және жан-жақты шешіп жатырмыз. Бұл жерде мәдениет са­ласының кітапханашылары және білім са­ла­сының кітапханашылары болып бөлінеді екен. Бұған дейін мәдениет саласының кітапханашыларының айлық жалақысы өскен, ал білім саласының кітапхана­шы­ларына бұл мәселе қарастырылмапты. Сон­дықтан да, біз мұны жүйелі негізде, яғни бө­ліп-жармай қарастыру қажет екенін Үкіметке жеткіздік. Үкімет мәселені шешті. Сонымен қатар бұған дейін кітапхана ісіне жиыр­ма ғана грант бөлініп келсе, биыл грант саны 5 есе көбейді.