Астанада балабақша кезегі азаяды

Астана қаласының әкімі Әсет Исекешев халыққа есеп беру жиынында балабақшаға арналған автоматты бағыттау жүйесін енгізілетінін мәлімдеді. «Тұрғындар балабақша орындарымен қамтамасыз ету мәселесін алға тартып отыр. Сондықтан 2017 жылдан бастап толыққанды автоматтандырылған бағыттау жүйесі енгізіледі. Осының арқасында барлығы ашық әрі түсінікті болады», – деді Исекешев. Ол Мемлекеттік-жеке меншік әріптестік аясында биыл үш балабақша, екі мемлекеттік мектепке дейінгі мекеме қолданысқа енгізілетінін, сондай-ақ алты мекеменің құрылысы басталатынын мәлімдеді. «Біз мемлекеттік тапсырысты 37 жаңа жекеменшік балабақшаға енгіземіз. Биыл бұл кезекті айтарлықтай азайтып, сонымен бірге 2020 жылға дейін Мемлекеттік-жеке меншік әріптестік механизмінің арқасында 138 жекеменшік балабақша ашуды жоспарлап отырмыз», – деді әкім. Сонымен қатар, 2017 жылы мектепке дейінгі мекемелерді қаржыландыру үшін 10 миллиард теңге бөлінгенін мәлімдеді. Бүгінде елордада 261 мектепке дейінгі мекеме жұмыс істеп тұр. Оның 91 – мемлекеттік, 116 – жекеменшік және 46 – шағын орталық. Соңғы үш жылда мектепге дейінгі бүлдіршіндердің қатары 32 пайызға артқан. 2013 жылы олардың саны 72 мыңды құраса, былтыр 95 мыңға жеткен.

Серіктес жаңалықтары