Инфаркт кезінде алғашқы көмек қалай көрсетілуі керек? – дәрігер кеңесі
Инфаркт кезінде қандай алғашқы көмек көрсетілуі керек
Инфаркт кезінде қандай алғашқы көмек көрсетілуі керектігі туралы кардиолог Жолдас Утаров айтты, деп хабарлады turkystan.kz.
Алматы №16 қалалық емхананың кардиологы Жолдас Утаровтың айтуынша, инфарктың алғашқы белгілері кезінде жедел медициналық жәрдем бригадасын дереу шақыру қажет.
«Ауырсынудың өтуін күтпеңіз, өйткені бұл өмірге қауіп төндіруі мүмкін. Науқаста дәріге аллергия болмаса, оны отырғызып немесе басын жоғары қойып жатқызып 0,25 г ацетилсалицил қышқылын (аспирин) беру керек. Егер кез келген адамда кенеттен инфаркт белгілері орын алса, қолға, иыққа немесе жаққа таралатын жүрек аймағындағы ауырсыну, ентігу, жүрек соғу жиілігінің жоғарылауы, тершеңдік немесе жүректің тоқтап қалуы белгілері болады. Бұл белгілер бес минуттан астам уақытқа созылса, жедел жәрдем медициналық тобын дереу көмекке шақыру керек. 10 минуттан артық күтпеңіз - бұл өмірге қауіп төндіреді», - деді маман.
Дәрігердің айтуынша, егер жедел жәрдем шақыру мүмкін болмаса, біреудің сізді ауруханаға жеткізуін сұраңыз. Рөлге өзіңіз отырмағаныңыз жөн.
«Егер инфаркт болса, емдеуші дәрігерден алынған нұсқауларды орындау керек. Егер нұсқау болмаса, онда сіз келесі алгоритмге сәйкес әрекет етуіңіз тиіс: отырыңыз немесе төсекке басыңыздың жоғары қойып жатыңыз, 0,25 г ацетилсалицил қышқылы (аспирин) таблеткасын шайнаңыз, жұтыңыз және 0,5 мг нитроглицерин - бір ингаляциялық доза - тыныс алу кезінде ауыз қуысына шашыратыңыз, таблетканы тіл астына қойыңыз, капсуланы алдын-ала тістеңіз, жұтпаңыз, мойынды босатыңыз және терезені ашып, бөлмені ауасын тазартыңыз», - деді дәрігер.
Егер аспирин мен нитроглицеринді қабылдағаннан кейін, бес-жеті минуттан кейін ауырсыну сақталса, нитроглицеринді екінші рет қабылдау қажет. Содан кейін жағдай жақсармаса, қабылдауды 10 минуттан кейін қайталаңыз. Дәрігердің айтуынша, егер нитроглицеринді бірінші немесе келесі қабылдағаннан кейін қатты әлсіздік, тершеңдік, ентігу пайда болса, жатып, аяғын көтеру керек. Бір стакан су ішіп, нитроглицеринді қайта қабылдаған жөн. Жолдас Утаров инфарктпен ауыратын науқасқа дәрігер рұқсат етпей, тұруға, жүруге, темекі шегуге және тамақ ішуге қатаң тыйым салынатынына атап өтті. Айта кетсек, аспиринді оған төзімсіздік болса, сондай-ақ асқазан мен он екі елі ішектің ойық жарасының өршуі кезінде қабылдауға болмайды.
