50376
Алматыда дүкенде қыз балаға тиіскен ер адам кім екені анықталды
Алматыда дүкенде қыз балаға тиіскен ер адам кім екені анықталды
Алматыда дүкенде қыз балаға тиіскен ер адам кім екені анықталды, деп хабарлады turkystan.kz Massaget.kz-ке сілтеме жасап.
Видеодағы ер адам басқа қаланың тұрғыны болып шыққан.
«Бостандық ауданы полиция басқармасының мәліметінше, тәртіп бұзған ер адамның кім екені анықталды. Ол Атырау қаласының тұрғыны», - дейді қалалық ПД ресми өкілі Салтанат Әзірбек.Ер адам сот алдында жауап беруі мүмкін.
«ҚР Әкімшілік құқықбұзушылық туралы Кодексінің 434-бабы бойынша іс жүргізу оның тұрғылықты жері бойынша Атырау қаласына, соттың қарауына және одан әрі шешім қабылдауға жіберілді», - деді қалалық ПД өкілі.Жәбірленуші қыздың сөзінше, полициядағылар ер адамның Алматыдан кетіп қалғанын айтқан. Айта кетейік, бұған дейін жәбірленуші қыз супермаркетте болған оқиғаның видеосын көрсеткен болатын. Видеода ер адам кетіп бара жатқан қыздың кеудесінен ұстап алады.
«18 тамызда мен досыммен үйге азық-түлік сатып алу үшін дүкенге бардым. Видеода оның не істегенін көресіз. Оның үстіне, егер сіз мұқият қарасаңыз, ол мені көшеден байқап, ойын жүзеге асыру үшін күтіп тұрған. Ол қатты мас болды. Мен бұл адамның қандай да бір жазаға тартылғанын қалаймын» деп жазды қыз әлеуметтік желіде оқиғаның видеосын жариялап.
