50463
Ақтауда үстіне диван құлаған ер адам сегіз айдан кейін қайтыс болды
Ақтауда үстіне диван құлаған ер адам сегіз айдан кейін қайтыс болды
Биыл қаңтарда көшеде кетіп бара жатқан кезінде үстіне алтыншы қабаттан диван түсіп кеткен ер адам сегіз айдан кейін қайтыс болды. Бұл туралы марқұмның ағасы хабарлаған, деп жазды turkystan.kz Massaget.kz сайтына сілтеме жасап.
Марқұмның ағасының сөзінше, ер адам 26 тамызда қайтыс болған.
"Бізге Германия мен Ресейден мамандар шақыруымызға тура келді. Себебі Қазақстандағы бірде-бір дәрігер оны қабылдамады", - дейді 39 жастағы марқұмның ағасы.Еске салайық, биыл қаңтарда Ақтаудағы 11-шағынауданда №41 үйден төменге жиһаз түскені хабарланған болатын. Құқық қорғау органдары қылмыстық іс қозғап, тергеу жүргізді. Lada.kz мәліметінше, мамырда диванды лақтырған адам кім екені ақыры анықталмаған. Диван өтіп бара жатқан адамға түскен. Ер кісінің мойын омыртқасы сынған. Ер адам Маңғыстау облыстық ауруханасына жатқызылған еді.
