1317
61 жастағы Хорватия азаматы Қазақстан арқылы есірткі тасымалдаған
Алматы-Ташкент бағытындағы жолаушылар пойызын тінту кезінде қамауға алынған.
Көлік полицейлері ҚР ҰҚК шекара қызметімен бірлесіп, Қазақстан арқылы есірткі заттарын тасымалдаған Хорватия азаматын қамауға алған, деп хабарлайды turkystan.kz Zakon.kz-ке сілтеме жасап.
Қазақстанның көлік полицейлері ҚР ҰҚК шекара қызметімен бірлесіп, Алматы-Ташкент бағытындағы жолаушылар пойызын патрульдеу кезінде қызметтік-іздестіру иті пойыз жолаушыларының біріне белгі берді.
Күдікті Хорватия Республикасының 61 жастағы азаматы болып шықты.
Ұсталған азаматқа жеке тінту жүргізу кезінде марихуана және гашиш есірткі заттары табылып, тәркіленді. Шетелдік есірткі заттарын сатып алғанын және оны жеке пайдалануы үшін сақтағанын түсіндірді.
"Аталған факті бойынша шетел азаматына қатысты ҚР Қылмыстық кодексінің 286-бабының 1-бөлігі (Айналыстан алып қойылған заттардың немесе айналысы шектелген заттардың контрабандасы) бойынша сотқа дейінгі тергеп-тексеру басталды. Сот қамауда ұстау түріндегі бұлтартпау шарасына санкция берді", – дейді полиция департаментінің бастығы Бақытжан Малыбаев.
