561
Уимблдон: Қазақстандық теннисші олимпиада чемпионын ұтты
Юлия Путинцева Уимблдон турнирінің үшінші айналымына шықты.
Қазақстандық теннисші екінші кездесуін дүниежүзілік рейтингіде өзінен бір саты төмен тұрған чехиялық Катержина Синяковамен өткізді, деп хабарлады turkystan.kz.
Синякова – жұптық сында әлемдік рейтингіде көш бастап, Токио олимпиадасының чемпионы атанған спортшы. Бірінші партияда Путинцева қарсыласына еш мүмкіндік берген жоқ. Есеп – 6:0. Екіншісінде есеп 4:4 болған мезетте Синякова брейк жасап кетті. Есеп – 6:4. Үшінші, шешуші сетте Юлия 3:0 есебімен алға кетті. Содан кейін матчты тағы бір брейкпен түйіндеді. Есеп – 6:2. Юлия Путинцева төртінші айналымға шығу үшін әлемнің 1-ракеткасы, Польша өкілі Ига Швентекпен ойнайды.
