378
Ұлытау облысында браконьерлер 15 киікті атқан
Ұлытау облысында жоғалып бара жатқан жабайы жануарлар мен киіктерді қорғау бойынша рейдтік шаралар жүргізіліп жатыр.
16 тамызда Ұлытау облысының Орман шаруашылығы және жануарлар әлемі аумақтық инспекциясының қызметкерлері браконьерлерді ұстады.
«Ұлытау ауданының аумағында (Түркістан облысымен шекарада) жүргізілген рейдтік шаралар нәтижесінде браконьерлік фактісі анықталды. Урал мотоциклін мінген 4 адам ұсталды. Олардан 15 киік, мүйіздер мен 2 қару тәркіленді»-делінген баспасөз хабарламасында.
Заң бұзғандар Ұлытау облысының Полиция департаментіне жеткізілді.
