Ғалымдар адам мен иттің миында ерекше байланыс барын анықтады
Ғалымдар бұл байланыс адамдар мен иттер арасында түрлі әлеуметтік әрекеттесу кезінде қалай көрінетінін зерттеді.
Ғалымдар адам мен иттің миында ерекше байланыс барын анықтады, бұл туралы advancedsciencenews.com жазды.
Ит асырайтындар олардың төрт аяқты достарына деген ықыласы біржақты болмауы мүмкін деп жиі ойлайды. Бірақ Advanced Science журналында жарияланған жаңа зерттеулер осы сезімнің шын мәнінде екіжақты екенін дәлелдеген.
Зерттеуде ғалымдар адамдар мен иттердің достық қарым-қатынас кезінде ми толқындары үйлесетінін анықтады. Бұл құбылыс, яғни нейрондық синхрондау, адамдардағы әлеуметтік тәжірибенің негізі саналатын жақсы белгілі. Осы зерттеудің нәтижесінде аталған құбылыс жануарлар мен адамдар арасында да байқалатыны алғаш байқалып отыр. Зерттеудің жетекшісі, Хубэй университетінің профессоры және Қытай ғылым академиясының Генетика және даму биологиясы институтының зерттеушісі Юн Чжанның айтуынша, «иттер мыңдаған жылдар бойы адамдармен жақын және тиімді әлеуметтік өзара әрекеттесуді дамыту арқылы эволюцияланды».
Чжан мен оның әріптестері «иттер адамдардың эмоциялық жағдайлары мен коммуникациялық сигналдарын түсіну және оларға жауап беру үшін кең ауқымды мінез-құлықты, бет-әлпетті және тіпті дауыстың тондарын пайдаланады, бұл басқа үй жануарларында сирек кездесетін ерекше белсенді коммуникация деңгейін ұсынады» деп айтып өтті.
Ғалымдар бұл байланыс адамдар мен иттер арасында түрлі әлеуметтік әрекеттесу кезінде қалай көрінетінін зерттеді. Олар зерттеулерін аутистикалық спектрдің генетикалық өзгерісі бар адамдар мен иттер арасындағы нейрондық байланысқа да бағыттап, ЛСД психоделикалық препараты арқылы оның қалпына келуін зерттеді. Бұл нәтижелер, егер болашақта психоделикалық препараттардың галациногенді емес аналогтары мақұлданса, аутизмді емдеуге жол ашуы мүмкін.
