359
Елімізде әр балаға 70 мың теңге жәрдемақы төлене ме – министр жауабы
Жақыпова хабарлағандай, бүгінде бюджет шамамен 6 триллион теңгені құрайды, бұл республикалық бюджеттің 38 пайызы
Еңбек және халықты әлеуметтік қорғау министрі Светлана Жақыпова Мәжіліс депутаты Гаухар Танашеваның балалар жәрдемақысы ретінде әр балаға 70 мың теңге төлеу туралы ұсынысына түсініктеме берді.
El.kz мәліметінше, Жақыпова министрлікте белгілі бір бюджет қаражатын қажет ететін өзгерістер пакеті дайындалып жатқанынын хабарлаған.
Біз тек бюджетті белгілі деңгейде оңтайландырып қана, бұл тақырыпқа келе аламыз. Егер мұндай шешім қабылданса, салық төлеушілер үшін үлкен ауыртпалық болады, - деді министр.
Светлана Жақыпова хабарлағандай, бүгінде бюджет (әлеуметтік қажеттіліктерге арналған) шамамен 6 триллион теңгені құрайды, бұл республикалық бюджеттің 38 пайызы.
Шарттарсыз қосымша төлемдерді енгізу кезінде кемінде тағы 3 триллион теңге қажет болады. Бұл салықты көтеру керек дегенді білдіреді, - деп қорытындылады министр.
