278
Атыраудан шыққан FlyArystan ұшағы Ақтауға екі рет қона алмады
Авиакомпания өкілдеріне жүгінген жолаушыларға сусындар, ыстық тамақ және қонақ үйден бөлме ұсынылды
"Атырау-Ақтау" бағытына қатынайтын ұшақ Маңғыстау облысының орталық әуежайына екі рет қона алмай, кері оралды.
Ulysmedia.kz мәліметінше, FlyArystan әуе компаниясының Атырау-Ақтау бағытындағы KC7277 рейсін ауа райына байланысты кейінге қалдырғаны белгілі болды.
Рейс 2 қараша күні сағат 21:50-де ұшып шыққан, бірақ ұшақ қона алмады.
Екінші рейс 2024 жылғы 3 қарашада сағат 06:50-де орындалды, бірақ Ақтаудағы қолайсыз ауа райына байланысты ұшақ тағы да Атырауға қайта оралды.
Авиакомпания өкілдеріне жүгінген жолаушыларға сусындар, ыстық тамақ және қонақ үйден бөлме ұсынылды. Сондай-ақ олар билет ақысын толық қайтару немесе тегін қайта брон жасау мүмкіндігіне ие болды.
