187
Жылыту маусымы басталғалы өрттен 41 адам қаза болды
Жылыту маусымының басынан бері елімізде 913 өрт тіркелген
Жылыту маусымының басынан бері елімізде 913 өрт тіркелді. Одан 41 адам қаза тауып, 28 адам жарақат алды, деп хабарлады Төтенше жағдайлар министрлігінің баспасөз қызметі.
«Астанада қалалық және Ақмола облыстық құтқарушылары бірлесіп, қала маңы мен шекаралас аудандардағы тұрғын үйлерде алдын алу рейдтерін өткізді. Рейд барысында құтқарушылар мен волонтерлер тұрғындарға өрт қауіпсіздігі ережелерін түсіндірді», — деп жазылған хабарламада.
Төтенше жағдайлар министрлігінің өртке қарсы қызмет комитеті төрағасының орынбасары Ерлан Төрегелдиевтің айтуынша, жеке сектордағы үйлер өрт шығу қаупі жоғары аймақ болып қалып отыр.
«Біз қауіпсіздік үшін» рейдтері тұрғын үйлердегі өрттердің алдын алуға бағытталған. Ережелерді сақтамау әсіресе жылыту және электр құрылғыларын пайдалану кезінде орын алады. Бұл өрттің негізгі себептерінің бірі болып табылады», – деді Ерлан Төрегелдиев.
