Белгілі виолончелист Болат Тыныбеков қайтыс болды
Суыт хабарды «Bolashaq» қауымдастығы мәлімдеді.
Қазақстандық виолончелист Болат Тыныбеков мезгілсіз өмірден өтті. Суыт хабарды «Bolashaq» қауымдастығы мәлімдеді.
«Bolashaq» қауымдастығы Болат Тыныбековтың мезгілсіз дүниеден өтуіне байланысты оның отбасы мен жақындарына ортақтасып көңіл айтады.
Болат Тыныбеков — қазақстандық виолончелист және вокалист, Корольдік музыка колледжінің түлегі. Халықаралық конкурстардың лауреаты ретінде ол Қазақстан мен Еуропада белсенді концерттік қызмет жүргізіп, өз елін әлемдік сахнада танытқан», — делінген ақпаратта.
Болат Тынымбеков Қарағанды қаласында 1985 жылғы 24 шілдеде дүниеге келген. Күләш Байсейітова атындағы дарынды балаларға арналған республикалық орта мамандандырылған музыкалық мектебін бітірген.
«Болашақ» бағдарламасының түлегі, Лондондағы Корольдік музыка колледжінде профессор А.Боярскийдің сыныбында білім алған. Алматы қаласында музыкалық мектепте сабақ берді.
