Мазмұны
Қазгидромет синоптиктері 2025 жылдың наурызына арналған ауа райы болжамын жариялады.
Мамандардың айтуынша, көктемнің алғашқы айы жылы әрі жауын-шашынды болады. Қазақстанның барлық аумағында ауа температурасы орташа нормадан 2 градусқа жоғары болмақ. Наурыз айында жауын-шашын мөлшері көбінесе нормадан көп болады, ал еліміздің оңтүстік-батысы мен оңтүстігінде қалыпты деңгейде сақталады.
Наурыз айында ауа райы құбылмалы болмақ: аязды күндер жылы күндермен алмасады. Солтүстік өңірлерде қысқы борандар күтіледі. Сондай-ақ наурызда жаңбыр мен жылбысқы қар жауып, жел күшейіп, тұман мен көктайғақ болуы мүмкін.
Наурыздың алғашқы онкүндігінде елдің басым бөлігінде ауа температурасы жоғарылайды.
Түнде температура -12…-20 градус, ал орталық және шығыс өңірлерде -15 градус шамасында болады. Күндіз -3-тен +5 градусқа дейін жылы болады.
Оңтүстік өңірлерде түнгі температура -2…-10 градустан 0…+8 градусқа дейін ауытқиды, ал күндіз -2-ден +15 градусқа дейін көтеріледі. Түркістан облысында ауа температурасы +15…+20 градусқа дейін жетуі мүмкін.
Он күндіктің соңында Қазақстанның барлық аумағында ауа температурасының аздап төмендеуі күтіледі. Солтүстік өңірлерде түнде -3…-8 градус, күндіз 0…-5 градус болады. Оңтүстік өңірлерде түнде -5…+2 градус, ал күндіз +3…+10 градус шамасында жылы болады.
Екінші онкүндікте ауа температурасы құбылмалы болады. Солтүстік өңірлерде түнде -10…+3 градус, күндіз -13…+10 градус аралығында өзгереді. Оңтүстік өңірлерде түнгі температура -5…+10 градус, ал күндіз +8…+20 градус болады.
Үшінші онкүндікте елдің басым бөлігінде түнгі температура -5…+10 градус, ал күндіз +5…+20 градус аралығында өзгереді. Солтүстік және солтүстік-батыс аймақтарда түнде -5…0 градус, күндіз -5…+10 градус шамасында болады.
