«Бозтал ауылының тарихы» жарық көрді

«Гүлденсе ауыл, гүлденеміз бәріміз» деген атақты жазушымыз Бейімбет Майлиннің сөзі бүгін де өте өзекті. Еліміздегі ауылдардың тұрмыс-тіршілігі бірдей дей алмаймыз. Біреулері кеңейіп, гүлденіп жатса, кей ауылдар құлдырап, тарқау алдында тұр. Кейінгісінің себеп-салдарын қарастыра бастасақ, терең әлеуметтік-экономикалық мәселелердің құлағы қылтияды. Қазақстан, ең алдымен, аграрлық ел екенін ескерсек, ауылдан безе алмасымыз, жергілікті елді мекендердің күрделі әлеуметтік-экономикалық мәселелерін шешуіміз қажеттігі менмұндалап алдымыздан шығады. Бұдан түйер ой, түптің-түбі байыпты, баянды мемлекет боламыз десек, ауылдың көсегесін көгертуге бет бұрмай болмайды.

Осы орайда, ауыл тақырыбын ұмыт қал­­­дырмай, әр уақыт туған ауылымыз ту­ралы қалам тербеп отыру азаматтық па­рызымыз болуға тиіс. Жуырда тарих­шы, өлкетанушы, Ерейментау ауданы­ның құрметті азаматы Әдірешев Мәнап Бек­тасұлының Бозтал ауылының тари­хы туралы энциклопедиялық мәнге ие, ауыл өмірін кең суреттейтін туындысы жа­рық көруін жақсылықтың бастауы деп қабылдадық. Ол барша зиялы қауым­ға ой салса, үлкен олжа. Кітаптың не­гізгі бөлімі төрт тараудан тұрады. Боз­тал ауылының тарихы, ауыл төңі­ре­гіндегі жер-су атаулары, «Алфавиттік-анық­тамалық бөлім» және Бозтал ауы­лы жайлы осы уақытқа дейін жарық көр­ген әдеби шығармалар мен көсемсөз ма­териалдар жиынтығы. Автор  Бозтал ауы­лының іргетасын қалаған тұлғалар тура­лы оқырманға мол мағлұмат бере оты­рып, сол өлкенің өткені мен бүгі­ні­не және әлеуметтік-экономикалық да­му жолындағы жетістіктеріне баса көңіл аударады. Энциклопедиялық туын­д­ы деп баға беруге болатын жи­нақ­та берілген мәліметтер заман­дас­ты­ры­мыз бен болашақ ұрпаққа туған өл­кенің тарихын, мәдениетін, салт-дәс­түрін, ата-бабаларының кімдер бол­ға­нын мақтанышпен есте сақтау үшін ауа­дай қажет екені айтпаса да түсінік-ті.
Ата-бабаларымыз бен әже-апа­ла­ры­­­мыздың табаны тиген құтты қоныс – ауыл кімге болсын әрқашан қымбат, әр­дайым биік. «Туған жердей жер бол­мас, туған елдей ел болмас», «Туған жер­­­­­дің түтіні де қымбат» деген халық ма­қалдары туған жерге ыстық ықылас­тан туғаны анық. Осы орайда, автордың ауыл төңірегіндегі кейбір бүгінде ұмыт бол­ған жер-су атауларын індете зерт­теуі, әсіресе, жастардың өлке тарихына сүйіспеншілігін оятып, өлкетану ғылы­мы­на ден қоюына септігін тигізері анық. Сонымен бірге кітаптың тағы бір маңыз­дылығы – білім іздеп қалаға ағыл­ған жастардың туған өлкеге сүйіс­пеншілік сезімдерін арттырады деп ой­лаймыз.
Қазақ ауылы – ұлттық болмыстың қай­нар бұлағы, ел ертеңі үшін ерінбей ең­бек етер ерлердің, ел мерейін үстем етер тума дарындардың туған ордасы. Ауыл десе, жаны жомарт, пейілі кең, са­насы таза, ақкөңіл жандар мен аққа то­лы дастарқан еске түседі. Ол әрдайым со­лай, әлі де солай болып қала береді. Өйт­кені ауыл сол үшін ерекше, сол үшін ардақты. Мәнап Бектасұлының «Боз­тал ауылының тарихы» кітабымен то­лық танысқандағы түйген ой осы. Туындының маңызы да сонда.

Талғатбек ЖАНАЙДАРҰЛЫ,
Ерейментау ауданының 
құрметті азаматы,
Қазақстан кәсіподағының ардагері