Өрт толық сөндірілді, себебі анықталып жатыр
Мазмұны
Төтенше жағдайлар министрлігінің қызметкерлері Астанада өрт шыққан көпқабатты үйден шамамен 60 адамды эвакуациялады, деп хабарлады ТЖМ баспасөз қызметі.
Өрт Есіл ауданындағы тұрғын үйлердің бірінде болған. Екінші және төртінші қабаттардың арасындағы электр қалқаны өртенген.
“Өрт сөндірушілер шақырту орнына жедел жетіп, автосаты мен үш буынды сатыны орнатып, түтін басқан аймақтан 13 адамды, оның ішінде 6 баланы құтқарды. Сондай-ақ баспалдақ арқылы 45 адам эвакуацияланды, оның 12-сі – балалар. Өрт толық сөндірілді, себебі анықталып жатыр”, – деп хабарлады ведомстводан.
