Мазмұны
Ғалымдар астрологияға сенетін адамдарға ортақ қасиеттерді анықтады. Journal of Individual Differences журналында жарияланған зерттеуге сәйкес, адамның интеллект деңгейі мен білімі неғұрлым жоғары болса, ол соншалықты астрологияны ғылым деп қабылдауға құлықсыз келеді.
Ғалымдар АҚШ-тағы 8 500-ден астам адамның жауаптарын талдап, астрологияға сенімге қандай факторлар әсер ететінін анықтауға тырысты. Бұған дейін кейбір зерттеулер діндарлық, руханилық, саясаттағы ұстанымдар маңызды рөл атқарады деп болжаған. Бірақ жаңа зерттеу бұл факторлардың әсері әлдеқайда аз екенін көрсетті.
Зерттеу интеллект пен білім деңгейінің басты рөл атқаратынын дәлелдеді:
- Интеллект төмендеген сайын, астрологияға сену ықтималдығы артады.
- Білім деңгейі жеткіліксіз адамдар астрологияны ғылым деп қабылдауға бейім келеді.
Керісінше, адамның діндарлығы, руханилығы немесе саяси көзқарастары астрологияға сенімге айтарлықтай әсер етпейтіні анықталды. Яғни, астрология діннің немесе белгілі бір идеологияның баламасы емес.
Ғылым астрологияның ешқандай ғылыми негізі жоқ екенін әлдеқашан дәлелдесе де, ол әлі де кең таралған. Америкалықтардың 30%-ы астрологияны ғылыми деп санайды, ал жұлдыз-жорамал қосымшалары миллиондаған қолданушы жинайды.
Ғалымдар бұл мәселеге тек бір жолмен әсер етуге болады деп санайды – сыни ойлау дағдылары мен ғылыми сауатты арттыру қажет. Егер адамдар ақпаратты талдап, жалған ғылым мен шынайы ғылымды ажыратуды үйренсе, олар астрология сияқты негізсіз нанымдарға азырақ сенетін болады.
