484
Сириялық оппозиция Астанадағы келіссөздерді уақытша тоқтатты
Сириялық оппозиция Астанадағы келіссөздерді уақытша тоқтатты
Сириялық оппозиция өкілдері Астанадағы бейбіт келіссөздерден шықты. Бұған әуе соққыларының қайталануы себеп болды, деп хабарлады France-Presse (AFP) ақпарат агенттігі дереккөзіне сілтеме жасап.
"Бүлікшілер делегациясы бейбіт тұрғындарды әуеден атқылағанына наразылық білдіріп, келіссөздерді тоқтатты. Олар Сириядағы атысты доғармайынша, кездесулерге қатыспайды", - деп хабарлады AFP.
Қазақстан сыртқы істер министрлігінің Азия және Африка департаментінің директоры Айдарбек Туматовтың мәлімдеуінше, сириялық оппозиция Астанадағы бейбіт келіссөздердің екінші күніндегі кездесулеріне қатысады.
Туматовтың айтуынша, қарулы сириялық оппозицияның өкілдері БҰҰ-ның Сирия жөніндегі арнайы өкілі Стаффан де Мистурамен және АҚШ делегациясының мүшелерімен кездескен соң, Астанадағы келіссөздерді тоқтатқан. Ал бейсенбі, келіссөздердің екінші күні бүлікшілер өкілдері "барлық кездесулерге қатысады". Дипломаттың хабарлауынша, Астанадағы келіссөздерге ондаған оппозициялық топтың 19 өкілі келді.
Астанадағы кездесулер 3 мамырда жабық есік форматында өтті. 4 мамырда жалпы отырыс және қорытынды баспасөз конференциясы ұйымдастырылады.
