400
Бишімбаевқа қатысты негізгі сот процесі басталды
Бишімбаевқа қатысты негізгі сот процесі басталды
Астана қалалық сотында бұрынғы Ұлттық экономика министрі Қуандық Бишімбаевқа және осы іс бойынша тағы 22 күдіктіге қатысты негізгі сот процесі басталды, – деп хабарлайды 24.kz арнасы.
Арнаның хабарлауынша, ашық сот отырысы тәртібінде өтіп жатқан процеске айыпталушылардың туған-туыстары, жақындары және бұқаралық ақпарат құралдары жиналды. Қорғаушылар сотқа бірнеше технологиялық және процессуалдық арыз-шағымдарын білдірді.
Алайда Астана қаласының қылмыстық істер жөніндегі мамандандырылған ауданаралық сотының төрағасы Әділхан Шайхисламов олардың біразын қанағаттандырмады. Сондай-ақ, ол осы іс бойынша сот отырыстарының енді күн сайын өтетінін мәлімдеді.
Айта кетейік, аталған іске қатысты алдын ала сот тыңдалымы 31қазан күні өткен болатын.
