Тағы бір девальвация бола ма?

Ресей мен Қытай өзара сауда айналымын рубль мен юаньда жүргізуді жоспарлауда. Екі ортада девальвацияның екінші толқыны елімізді шарпиды деген қауесет көпшілікті ұйқыдан айырды. 

Осы мәселеге Экономика және
бюджеттік жоспарлау министрі Ерболат Досаев түсініктеме беріп, шошынған халыққа
басу айтқандай болды.

– 
Девальвацияға
ешқандай негiз жоқ. Ресей рублi өзiнiң тұрақтылығын сақтап тұр. Бүгiнде ол
Ресей банкi қойған шектiк дәлiзде. Қазақстанда да сол жағдай. Алдағы уақытта
Қытаймен сауда айналымын бiз де юаньде жүзеге асыруды жоспарлап отырмыз. Бұл
екi жақтың тауар айналымында орнықты жағдай. Жыл басынан төлем балансының
төмендеуi байқалған жоқ. Алдағы уақытта девальвация болмайды, – деді министр.